KIJANA ADUKUA TAARIFA ZA APPLE ILI AFANYE NAO KAZI

Kijana mmoja kutoka nchini Australia amekiri kuudukua mtandao wa Apple na kuiba nyaraka kadhaa. Kijana huyo wa kiume mwenye miaka 16 aliingia kwenye mtandao huo mara kadhaa mwaka huu kutoka nyumbani kwao huko Melbourne, Australia kwa mujibu wa gazeti la Age. Alisema alihifadhi nyaraka hizo kwenye ghala linalofahamika kama 'hacky hack hack'..! 

Apple inasema kuwa hakuna taarifa za wateja wake zilifuja. Lakini gazeti la Age linasisitiza kuwa kijana huyo aliingiakwenye akaunti za wateja. Kwa mujibu wa taarifa zilizowasilishwa mahakamani, kampuni ya simu ililijulisha shirika la ujasasi la Marekani wakati ilifahamu kuhusu udukuzi huo na kuwajulisha polisi wa Australia AFP. Polisi hao kisha wakafanya uvamizi kwenye nyumba ya kijana huyo ambapo walipata kompiuta mbili zenye namba sawa na za vifaa vilivyotumiwa. Polisi pia walipota simu na vifaa vingine. Kijana adukua Apple kwa sababu alitaka kufanya kazi nao. Kwa mujibu wa Age, kijana huyo alikuwa amejigamba kuhusu udukuzi huo kwenye ujumbe wa WhatsApp. Age liliripoti kuwa alidukua kwa sababu alikuwa shabiki mkubwa wa Apple na alikuwa na ndoto ya kufanya kazi huko. Wakili wake alisema alikuwa amepata umaarufu mkubwa kwenye jamii ya wadukuzi duniani. Jina la kijana huyo halijafichuliwa kwa sababu za kisheria. Atahukumiwa tarehe 20 Septemba.

Chanzo: BBC

DOWNLOAD HERE